..

Exposicion temporala consacrada a Tintín: "L'Ambaissada de Sildàvia" .....Exposicion permanenta: "La TSF, l'istòria de la ràdio e de la television"

 

Presentacion: La Ret Euroregional de Ràdio e Television Sens Frontièras a inaugurat l'Onze de Setembre de 2011, Jornada Nacionala de Catalonha, l'ESPACI CULTURAL TSF, dins la bastissa de la comuna de Sent Martin lo Redond (departament d'Òlt, region Miègjorn Pirenèus, França). L'ESPACI CULTURAL TSF es un luòc de promocion de la cultura audiovisuala de l'Euroregion Pirenèus Mediterranèa e se prepausa tanben a travèrs d'exposicions temporalas e permanentas far dintrar los visitants en l'istòria, l'evolucion, las tendéncias e la diversitat de la ràdio e la television. Los visitants de l'ESPACI CULTURAL TSF an a la siá disposicion una videoteca euroregional, una sala de trabalh amb divèrses ordenadors connectats dins internet, pantalhas e reproductors d'àudio e vidèo...

Programacion actuala (dempuèi l'onze de setembre de 2011): Dempuèi la siá inauguracion, en setembre de 2011, la programacion culturala de l'ESPACI CULTURAL TSF, a Sent Martin lo Redond, es la seguenta:

Exposicion permanenta "La TSF, l'istòria de la ràdio e de la television. Jòc interactiu". La Ret Euroregional de Ràdio e Television Sens Frontièras expausa en lo sieu ESPACI CULTURAL a Sent Martin lo Redond una colleccion privada consacrada a l'istòria de la TSF (Telegrafia Sens Fils). Es integrada per mai de cent elements divèrses (aparelhs ancians de ràdio, televisors istorics, telefòns de fa fòrça ans, projectors de cinèma, camèras de fotografia, libres, revistas, afichas...). A l'esquèrra podètz veire una image que mòstra una pichona part de l'exposicion. La col·leció es estat montada de sòrta que se convertisca en un esvagat jòc interactiu adreçat tant als adults coma los mainats e mainadas. Los elements mai emblematics de la colleccion son unes ancians televisor anglés Bush (1949), un telefòn rural de fusta Stromberg Carlson procedenta dels Estats Units (1894) e una ràdio Westinghouse, tanben de fusta, de l'an 1934.

Exposicion temporala: "L'Ambaissada de Sildàvia. Descobèrta d'un dels païses imaginaris de Tintín". L'ESPACI CULTURAL TSF vòl retre aumenatge a un dels personatges dels libres d'animacion mai reconeguda e apreciat, lo jove jornalista Tintín. O fasèm a travèrs d'una exposicion temporala consacrada a descobrir Sildàvia, un dels païses imaginaris creats per Hergé. L'ESPACI CULTURAL TSF se transforma en Ambaissada de Sildàvia a Occitània. La decoració de lo nòstre Espaci evoca una imaginària representacion oficiala de Sildàvia, amb un contraròtle d'accès e passapòrts, la sala de recepcions e la cambra de convidats. La bandièra sildava, la mapa fisica del país, la lenga oficiala, la moneda, l'imne e l'escut nacional son presents a l'exposicion. Aital meteis, per la serada de l'inauguracion i a preparada un pichon estonament, l'arribada a Sent Martin lo Redond d'un objècte vertadièrament unic, que jògue un papièr fòrça important en totas las istòrias e aventuras de Tintín. Mas, per ne saber mai de detalhs, caldrà esperar un pauc... L'inauguracion de l'ESPACI CULTURAL TSF arribarà plan lèu!

Orari de dubertura al public:

• De diluns a divendres: De 10:00h a 12:00h e de 16:00h a 19:00h
• Dissabte: De 10:00h a 12:00h
• De visitas guidadas e de grops, amb cita prealabla (tel. +33 5 81 42 02 01)